મારી સ્વરચિત રચના
કાવ્ય વિશે જ્ઞાન સીમિત છે, છતાં પણ મારી ભાવના વ્યક્ત કરુ છું.
(દીપ મારા પુત્રનું અને ભાવના મારી પત્નીનું નામ છે.) – રોહિત વણપરીયા
રોજ સવારે જોઉં તને, ને તું ખુબ ઉત્સાહથી તરવરતી,
ન્હાતાં ન્હાતાં ગીતો ગાતી, ને ઠંડા પાણીની છોળો ઉડાડતી.
ચુંબન કરી દીપને ઉઠાડતી, ને વ્હાલાં વ્હાલાં કરીને નવડાવતી,
કપડાં પહેરાવી શાળાએ મોકલતી, ને મને પ્રેમથી ખીજાઇને જગાડતી.
રસોઇ બનાવતી, કપડાં ધોતી, ને બંને હાથથી પરસેવો લુંછતી,
૫પ્પા મમ્મી દાદીને જમાડતી, ને પછી વધેલું પોતે જમતી.
આમને આમ સાંજ પાડતી, ને સાંજે મારી રાહ જોતી,
જમીને સાથે ચાલવા આવતી, ને પગ ઢસડતા ઢસડતા ચાલતી.
હવે દીપને લેશન કરાવતી, ને આવતીકાલની તૈયારી કરતી,
સદાય મારો પ્રેમ ઝંખતી, ને રાતે સુવા દેવા કરગરતી.
રોજ સવારે જોઉં તને, ને તું ખુબ ઉત્સાહથી તરવરતી,
ન્હાતાં ન્હાતાં ગીતો ગાતી, ને ઠંડા પાણીની છોળો ઉડાડતી.