બાળક રસ્તામાં અને જાહેરમાં એ જ બોલતું હોય છે જે એનાં મા અને બાપ ઘરમાં બોલતાં હોય છે. – યહુદી કહેવત
તમારા બધા જ દાંત પડી જાય પણ એક દાંત સિવાય, કે જેથી આખી જિંદગી દાંતનો દુ:ખાવો રહે. – યહુદી કહેવત
ધનિકોને વારસદારો હોય, બાળકો નહિ. – યહુદી કહેવત
મૂર્ખ મોં બંધ રાખે તો તેની ગણત્રી પણ હોશિયારમાં થઇ જાય છે. – યહુદી કહેવત
કોઇપણ માણસને સુખી ન કહેવો જ્યાં સુધી તેનું મૃત્યુ ન થાય. – સોફોક્લે (ગ્રીક નાટ્યકાર)
જ્યારે હું યુવાન હતો ત્યારે મને લાગતું કે સાઇઠ વર્ષનાં લોકો કોઇ જુદી જ દુનિયાનાં પાત્રો છે. આજે હું સાઇઠનો છું, ત્યારે યુવાનો વિશે પણ મારો એ જ અભિપ્રાય છે. – હેન્ની કિસિન્જર
નિર્ધનતા પ્રગટ કરવી એ નિર્ધન હોવા કરતાં વધુ દુ:ખદાયક છે. – પ્રેમચંદ
અમીરો પાસે અધિકારો છે, ગરીબો પાસે આશા છે. – પ્રેમચંદ
પ્રતાપી લોકો પાસે અભિશાપ પણ કંપે છે. – પ્રેમચંદ
માનવચરિત્ર કેવું વિચિત્ર છે? આપણને બીજાનું અહિત કરવામાં આનંદ આવે છે અને તેમ કરતાં અચકાતા નથી. પરંતુ બીજાનાં હાથે જ્યારે આપણું અહિત થાય ત્યારે આપણું લોહી ઉકળી ઉઠે છે. – પ્રેમચંદ
આપનાં પ્રતિભાવો