ગુજરાતી જોક્સ

છગન અને મગન, બંને જૂના મિત્રો વર્ષો પછી મળ્યા.

મગન : ‘નાના હતાં ત્યારે ખૂબ રમાડ્યાં હતાં એ આપનાં ચારેય પુત્ર શું કામધંધો કરે છે?’

છગન: ‘મોટો ડોકટર છે. બીજો એન્જીનિયર છે. એથી નાનો વકીલ છે અને સૌથી નાનાને ગેરેજ છે.’

મગન: ‘તો તો નાનાને ઘર ચલાવવામાં તકલીફ પડતી હશે ?’

છગન: ‘સાચી વાત છે. નાનો બિચારો એનાં ત્રણેય મોટા ભાઇઓનું પૂરૂ કરવામાંથી જ ઊંચો નથી આવતો ને એથી એને ઘર ચલાવવામાં સાચે જ તકલીફ પડે છે.’

ડોકટર છગને મગનને ત્યાં વાળ કપાવીને પૂછ્યું, ‘કેટલા રૂપિયા આપવાનાં?’

મગન વાણંદ: ‘પચાસ રૂપિયા’

ડોકટર છગન: ‘અરે! એટલા રૂપિયા તો હું મારા પેશન્ટ પાસેથી પણ લઇ શકતો નથી.’

મગન વાણંદ: ‘હું આપને સમજી શકું છું, કેમ કે હું ડોકટર હતો ત્યારે હું પણ આટલો ચાર્જ લઇ શકતો ન હતો.’

દસ વર્ષ પહેલા : ‘એન્જીનિયર સાહેબનું ઘર આ શેરીમાં ક્યું છે ?’

‘આ શેરીમાં જે સારામાં સારો બંગલો દેખાય તે જ એન્જીનિયર સાહેબનું ઘર હોય શકે ત્યાં પૂછ્યા વગર તેમાં જ ચાલ્યા જજો.’

દસ વર્ષ પછી : ‘એન્જીનિયર સાહેબનું ઘર આ શેરીમાં ક્યું છે ?’

‘આ શેરીનાં કોઇપણ મકાનમાં ચાલ્યા જજો. દરેકમાં કમ સે કમ એક એન્જીનિયર તો રહે જ છે.’

બિહાર યુનિવર્સિટીમાં ગ્રેજ્યુએટ થયેલો એક બેકાર યુવાન નોકરી માટે શક્ય એટલા પ્રયત્નો કરી રહ્યો હતો પણ નોકરી મળતી ન હતી. એવામાં એક સરકસમાં હિસાબ રાખવા માટે માણસની જરૂર છે એવી જાહેરાત વાંચીને એ ઇન્ટરવ્યૂ આપવા ત્યાં પહોચી ગયો.

સરકસ મેનેજરે એ યુવાનને કહ્યું, ‘એ જગ્યા તો ભરાઇ ગઇ છે પણ એક જોખમી કામ માટે માણસની જરૂર છે જો તારે નોકરી કરવી જ હોય તો.’

યુવાન : ‘ક્યું કામ ?’

સરકસ મેનેજર: ‘અમારા સરકસમાં કરવામાં આવતો બે સિંહ વચ્ચેની લડાઇનો એક ખેલ ખૂબ લોકપ્રિય છે, પણ હમણાં-હમણાં અમારો એક સિંહ ખૂબ જ બિમાર હોવાથી એ ખેલ થઇ શકાતો નથી અને એથી સરકસ જોવા આવનારાઓની સંખ્યા પણ ઘટી ગઇ છે. હવે જો તું એક સિંહ બનીને એ ખેલ કરવા તૈયાર હો તો એ જગ્યા ખાલી છે. એ માટે તને તાલિમ અને તું અદ્લ સિંહ જ દેખાય એવો કોસ્ચ્યુમ પણ આપવામાં આવશે. તારે માત્ર એટલું જ ધ્યાન રાખવાનું છે કે સામેનાં સાચા સિંહને ખબર ન પડવી જોઇએ કે તું નકલી સિંહ છો. જો એમાં તારાથી ચૂક થઇ ગઇ તો તારી ઉપર જોખમ રહેશે.’

અને એ કામ કરવા માટે એ યુવાન તૈયાર થઇ ગયો અને એ ખેલ પણ કરવા લાગ્યો. એવો ખેલ કે પ્રેક્ષકો તો ઠીક સામેનાં સિંહને પણ ખબર પડતી નહિં. સરકસમાં પહેલાની માફક જ ફરી ભીડ થવા લાગી.

એક વખત એવું બન્યું કે ખેલ દરમિયાન પેલા યુવાને પહેરેલું કોસ્ચ્યુમ સહેજ જ હટી ગયું. પ્રેક્ષકોને તો એની ખબર ન પડી પણ સામે રહેલા સિંહને તેની તરત જ ખબર પડી ગઇ. આ પેલા યુવાનનાં ધ્યાનમાં પણ આવી ગયું. આવનારા જોખમનો વિચાર આવતા જ એ ગભરાઇ ગયો અને તેને પરસેવો વળી ગયો.

ત્યાં જ સામેનો સિંહ બોલ્યો, ‘દોસ્ત, ગભરાઇશમાં. હાલ બીજો અસલી સિંહ પણ બીમાર છે અને હું પણ બિહાર યુનિવર્સિટીનો ગ્રેજ્યુએટ જ છું.’

Advertisements

4 thoughts on “ગુજરાતી જોક્સ

  1. ખૂબ મઝાના જોક્સ છે.– મને એમ કે તમે તમારો બ્લોગ બંધ કરી દીધો– મને ઈ મેઈલમા્ં મોકલતા રહેશો.

  2. હસવું અને હસાવવું એ માનુષી ધર્મ નું પહેલું પ્રકરણ છે .તેથી ખુબ ખુબ અભિનંદન…

    FIGURE STEPS એ મજાનું છે

  3. Khub khub saras kary kro chho…many many congratulations …..
    Programs ma anchor trike kam lage ewi…shayrio..panktio…nu collection jo possible hy to add krjo…

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s