વિચારકોના વિચારો

ભુલ હમેશા માફ કરી શકાય છે, જો તમારી પાસે તેને સ્વીકારવાની હિમત હોય તો – બ્રુસ લી

સ્ત્રીઓની માનહાનિ સાક્ષાત લક્ષ્મી-સરસ્વતીની માનહાની છે – સૂર્યકાન્ત ત્રિપાઠી

અહંકાર, દેખાડો, અભિમાન, નિર્દયતા એ બધા દોલતના સંતાનો છે – માર્ક ટ્વેઇન

કુબેર પણ જો આવક કરતા વધારે ખર્ચ કરે, તો કંગાલ થઇ જાય છે – ચાણક્ય

જેની અન્દર નફરત હોય છે, એ લોકો હારેલા લોકો હોય છે, જેઓ પોતાને જીતેલા હોવાનો દેખાડો કરી રહ્યા હોય છે – પોલો કોએલો

હુ કાઇ અતિ પ્રતિભાશાળી વ્યક્તિ નથી, પણ હુ અધિક જિજ્ઞાસુ છુ અને કોઇપણ સમસ્યાને ઉકેલવામા ઘણો સમય આપુ છુ – આલ્બર્ટ આઇન્સ્ટાઇન

આ દુનિયાની અસલી સમસ્યા એ છે કે મૂર્ખ અને અડિયલ લોકો પોતાના વિશે હમેશા પાક્કા હોય છે કે એ સાચા જ છે, પરંતુ બુદ્ધિમાન લોકો હમેશા એ શંકામા હોય છે કે હુ ગલત / ખોટો તો નથી ને ?

Jack Ma / जेक मा નાં કેટલાક વાક્યો…

‘હું મારી પોતાની E-Commerce Company બનાવવા માંગતો હતો. ઇ.સ. ૧૯૯૯માં મેં મારા ફ્લેટમાં ૧૮ લોકોને ભેગા કર્યા અને એમની સાથે બે કલાક મારા Vision વિશે વાત કરી. બધાએ એમની મૂડી મારા ટેબલ ઉપર રાખી દીધી અને ‘અલીબાબા’ શરૂ કરવા માટે ૬૦૦૦૦ ડોલર મળી ગયા. મને ખાત્રી હતી કે એ ગ્લોબલ કંપની બનશે અને એટલે જ મે એક સર્વવ્યાપ્ત નામ ‘અલીબાબા’ પસંદ કર્યું.

જેક મા એ શરૂઆતમાં નોકરી માટે ૩૦ જેટલી અરજીઓ કરી હતી અને તેનો અસ્વીકાર થયો હતો.

મારા શહેરમાં જ્યારે KFC આવી ત્યારે તેમા Apply કરનારા ૨૪ જણ હતાં. તેમાંથી ૨૩ Select થયા હતાં અને હું એક જ Select થયો ન હતો.


ક્યારેય હાર ન માનો. આજ મુશ્કેલીઓ છે તો કાલ એથી પણ બદતર હશે, પણ એ પછી ઉજાલા હશે. જ્યાં ફરિયાદો/મુશ્કેલીઓ છે ત્યાં તક પણ છે.

હું મને ખુદને વાઘ પર સવાર એક આંધળો માણસ કહું છું.

જો તમારી પાસે એક લાખ ડોલર છે, તો તમે એક ભાગ્યશાળી વ્યક્તિ છો. જો તમારી પાસે દસ લાખ ડોલર છે તો તમારી ઉપર સંકટ છે, મોટો માથાનો દુઃખાવો છે. નક્કિ તમારે કરવાનું છે.

એક નેતાની અંદર એ ઘીરજ અને દઢ્ઢતા હોવી જોઇએ અને તેને તે સહન કરવામાં સક્ષમ હોવો જોઇએ, જે તેની નીચેના માણસો કે કર્મચારીઓ નથી કરી શકતા.

જ્યારે આપણી પાસે રૂપિયા હોય છે, ત્યારે આપણે ભૂલો શરૂ કરી દઇએ છીએ.

મારા માટે કોઇ ફરક નથી પડતો કે હું નિષ્ફળ ગયો. મેં પ્રયત્ન કર્યો એમાંથી હું શીખ્યો. બીજુ કે જો હું સફળ નથી થતો તો કોઇ બીજુ સફળ થશે.

બીજાની સફળતામાંથી શીખવાને બદલે એની ભૂલોમાંથી શીખો. કારણ કે નિષ્ફળતાનાં કારણો સમાન હોય છે, સફળતાનાં કારણો અલગ-અલગ હોય છે.

જીંદગી ખૂબસૂરત છે. કામ પ્રત્યે એટલા બઘા ગંભીર ન રહો કે જીવનનો આનંદ ના ઉઠાવી શકો.

ચીનમાંથી બહાર નીકળતા પહેલા મને એવું જ બતાવવામાં આવ્યું હતું કે ચીન દુનિયાનો સૌથી વધુ સમૃદ્ધ દેશ છે. જ્યારે હું ઓસ્ટ્રેલિયા પહોચ્યો ત્યારે થયું કે મને જે બતાવવામાં આવ્યું હતું એનાથી બધુ જ અલગ છે. બસ ત્યારથી મેં અલગ ઢંગથી વિચારવાનું શરૂ કરી દીધુ.

બુદ્ધિમાન વ્યક્તિઓનું નેતૃત્વ કરવા માટે કોઇ મૂર્ખ/સનકી વ્યક્તિની જરૂર હોય છે. એની પાસે અલગ વિચારવાની શક્તિ હોય છે.

ક્યારેય કિંમત પર નહિ પણ સેવા/Service પર પ્રતિસ્પર્ધા કરો અને ક્યારેય ૨૦ વર્ષનો Program ૨ વર્ષમાં પૂરો ન કરો.

સુભાષચંદ્ર બોઝનાં વાક્યો…

એક સૈનિકનાં રૂપમાં તમારે હંમેશા ત્રણ આદર્શો ઉપર જીવવુ પડશે. સચ્ચાઇ, કર્તવ્ય અને બલિદાન.

જીવનમાં પ્રગતિ એટલે ?  શંકા કરતા રહો અને તેના સમાધાન માટે પ્રયાસ કરતા રહો.

શ્રદ્ધાની કમી જ બધી તકલીફો અને દુઃખોનું મૂળ છે.

જ્યારે તમારે ઝૂકવુ જ પડે ત્યારે એક વીરની માફક ઝૂકજો.

જીવનની પ્રત્યેક ઘડી પરીક્ષા છે. સ્કૂલની પરીક્ષા તો બે દિવસની છે, પણ જીવનની પરીક્ષા જીવનભર દેતી રહેવી પડશે.

મારામાં જન્મજાત પ્રતિભા તો ન હતી, પરંતુ કઠોર પરિશ્રમથી બચવાની વૃતિ મારામાં ક્યારેય ન હતી.

યાદ રાખજો, સૌથી મોટો અપરાધ અન્યાય સહન કરવો અને ખોટા સાથે સમજોતા કરવામાં છે.

ચરિત્રનિર્માણ અને ચરિત્રશુધ્ધતા વિર્ધાથિઓનું મુખ્ય કર્તવ્ય છે.

જ્યાં મધનો અભાવ હોય ત્યાં ગોળથી મધનો સ્વાદ લઇ લેવો જોઇએ.

કર્મનાં બંધનો ને તોડવાનું ખૂબ જ કઠીન હોય છે.

મને એ ખબર નથી કે સ્વતંત્રાની આ લડાઇમાં કોણ-કોણ જીવીત રહેશે, પણ એ ખબર છે કે આખરે વિજય તો આપણો જ થશે.

સમય પહેલાની પરિપક્વતા સારી નથી હોતી. ચાહે તે વૃક્ષની હોય કે વ્યક્તિની. આગળ જતા તેના ખરાબ પરિણામો ભોગવવા પડે છે.

જ્યારે સંઘર્ષ અને કોઇપણ ભયનો સામનો કરવાનો ના હોય ત્યારે જીવનનો અડધો સ્વાદ સમાપ્ત થઇ જાય છે.

બિલ ગેટ્સએ એક સ્કુલમાં ભાષણ દરમિયાન કહેલી ૧૦ વાતો…

લોકોને તમારા સ્વાભિમાનની પરવા નથી હોતી, માટે પહેલા પોતાની જાતને સક્ષમ સાબિત કરીને બતાવો.

જીવન ઉતાર-ચઢાવથી ભરેલુ છે, એની આદત પાડતા શીખો.

કોલેજ પુરી થયા પછી પાંચ આંકડાવાળા પગારનું તૂરત જ ન વિચારો. એક રાતમાં કોઇ વાઇસ પ્રેસિડન્ટ નથી બની જતું. એને માટે અપાર મહેનત કરવી પડે છે.

અત્યારે તમને બધાને તમારા શિક્ષક સખ્ત અને જાલિમ લાગતા હશે, કારણ કે અત્યાર સુધી તમારે જીવનમાં બોસ નામનાં પ્રાણી સાથે પનારો નથી પડ્યો હોતો.

તમારી ભૂલ માત્ર તમારી જ છે, તમારી હાર માત્ર તમારી જ છે. કોઇને દોષ ન દો. ભૂલોમાથી, હારમાંથી શિખો અને આગળ વધો.

તમને જે લાગે છે તેટલા તમારા માતા-પિતા તમારા જન્મ પહેલા નિરસ ન હતાં જેટલા તમને અત્યારે લાગી રહ્યાં છે. તમને ભણાવવામાં, તમારા પાલનમાં એમને પડેલા કષ્ટથી તેમનો સ્વભાવ બદલાઇ ગયો હોય છે.

પુરસ્કારો માત્ર સ્કુલમાં જ મળતા રહે છે, પણ બહારની દુનિયામાં નિયમ અલગ છે. ત્યાં હારવાવાળાને બહુ જ ઓછા મોકા મળે છે.

જીવનની સ્કુલમાં ધોરણ અને વર્ગ નથી હોતા. વેકેશન કે છુટ્ટી નથી મળતી. તમને શિખવા માટે કોઇ સમય પણ નથી આપતું. એ બધુ તમારે ખુદને કરવું પડે છે.

ટેલિવિઝન/સિરીયલોની લાઇફ સાચી નથી હોતી. સાચા જીવનમાં આરામ નહિ, માત્ર કામ અને કામ જ હોય છે.

સતત અભ્યાસ, કામ કે મહેનત કરવાવાળા તમારા મિત્રોને ક્યારેય ના ચિડવો. એક સમય એવો હશે કે એ તમારાથી ઉપર હશે, અથવા તો તમારે તેની નીચે કામ કરવું પડશે.

સુવાક્ય

હીટલરને કોઇએ ત્રાસ આપ્યો નથી કારણ કે એની પાસે પ્રતિકારની એક જ ભાષા હતી.

મહાવીરને કોઇએ શાંતિથી બેસવા દીધા નથી કારણ કે એમની પાસે સહન કરવાની એક જ ભાષા હતી.

છતાં હીટલર દુઃખી હતો, મહાવીર પરમ આનંદિત હતાં. – Ratnasundar Vijayji

રત્નસુંદર વિજયજીનાં વાક્યો.

ઝેરથી જો બધા જ દૂર રહે છે તો એનો અર્થ એટલો જ કે ઝેર ખરાબ છે. આપણાંથી જો બધા જ દૂર રહેતા હોય તો એનો અર્થ એટલો જ થાય કે આપણે ગલત છીએ.

બીજાને સમજવામાં અને સમજાવવામાં આપણે એટલા બધા વ્યસ્ત થઇ ગયા છીએ કે જાતને સુધારવાનું તો આપણે ભૂલી જ ગયા છીએ.

વાતાવરણમાં ઓક્સિજનનું પ્રમાણ પર્યાપ્ત હોવા છતાં દમનો દર્દી જેમ સતત અકળામણ અનુભવતો હોય છે, તેમ ચારેય બાજુથી પ્રેમ પર્યાપ્ત પ્રમાણમાં મળતો હોવા છતાં અહંકારી સતત અકળામણ જ અનુભવતો હોય છે.

સતત વિવાદોમાં જ રાચનારો અને વિરોધોમાં જ રસ લેનારો, એટલું જ સૂચવે છે કે એની પાસે સર્જનાત્મક કોઇ કાર્ય જ નથી.

લાખોની સંપતિ ગુમાવી બેસનારા હજી પાછા બેઠા થઇ ગયા છે, પણ ઉત્સાહ ગુમાવી બેઠેલા તો ક્યારેય બેઠા થઇ શક્યા નથી.

દુઃખને રવાના કરવાનો વિકલ્પ શક્ય જ ન હોય જ્યારે, ત્યારે દુઃખને સ્વીકારી લેવાનો વિકલ્પ પસંદ કરી લેજો. મનની સ્વસ્થતા જળવાઇ રહેશે.

બટન દબાતાની સાથે જ પંખો ચાલુ થઇ જાય એમાં પંખાની માલિકી ક્યાં? નિમિત મળતા જ આત્મા ક્રોધિત થઇ બની જાય એમાં આત્માની માલિકી ક્યાં?

જે હાથમાં છે એને ભૂલી જવું, જે બીજાની પાસે છે એને સતત યાદ રાખવું. આ માન્યતા જ સુખનાં સમયમાંય માણસને સતત દુઃખમાં રાખે છે.

સાત સુવિચારો

તૈયારી કરવામાં નિષ્ફળ જવાનો અર્થ એ કે નિષ્ફળ જવા માટેની તૈયારી કરવી. – બેન્જામિન ફ્રેન્કલિન

સિંહ પાસેથી શિખવા જેવી શ્રેષ્ઠ બાબત એ છે કે એ જે પણ કાંઇ કરે છે કે કરવા ઇચ્છે છે તે પુરા દિલથી અને જોરદાર પ્રયાસ સાથે કરે છે. – ચાણક્ય

તમે સાચુ કહી રહ્યાં હો ત્યારે તમારે તે યાદ રાખવાની જરૂર રહેતી નથી. – માર્ક ટ્વેઇન

જિંદગીની એ કઠિણાઇઓ કે જેનાથી તમે દૂર જવાનો પ્રયાસ કરો છો, એ ભૂત બનીને તમારી ઊંઘમાં વિઘ્ન લાવશે. – રવિન્દ્રનાથ ટાગોર

હું જે પણ કોઇ વ્યક્તિને મળુ છું તે વ્યક્તિ કોઇને કોઇ સ્વરૂપમાં મારા કરતા ચડિયાતો છે. – એમર્સન

તમારી પાસે કોઇ ડિગ્રી ન હોવી એ ઘણીવાર ફાયદાકારક બની જાય છે. જો તમે એન્જીનિયર યા ડોકટર હો તો તમે એક જ કામ કરશો, પણ ડિગ્રી નથી ત્યારે તમે ગમે તે કામ કરી શકશો. – શિવ ખેડા

જિંદગીની કરૂણતા એ નથી કે તમે લક્ષ્ય સુધી પહોંચી ના શક્યા. કરૂણતા એ છે કે તમારી પાસે લક્ષ્ય જ ન હતું. – બેન્જામિન મેસ